हालै आएको भीषण बाढीका कारण इन्टरनेट सेवा अवरुद्ध भएका आफ्ना ग्राहकहरूका लागि सुबिसु केबल नेटले ७ दिनको सेवा अवधि (भ्यालिडिटी) थप गरेको छ। बाढी प्रभावित अवधिमा कनेक्सनको म्याद सकिएका ग्राहकहरूलाई राहत र सहजीकरण पुर्याउने उद्देश्यले यो निर्णय गरिएको कम्पनीले जनाएको छ।
भाद्र १० गते भोटेकोशी तथा त्रिशूली नदी आसपासका क्षेत्रमा आएको बाढीले बट्टार, चरौंदी, चौघडा, देवीघाट, धादिङ, हुङ्दीखोला, खाल्टे, खानीखोला, गल्छी, धार्के र मलेखु लगायतका स्थानमा सुबिसुको इन्टरनेट सेवा प्रभावित भएको थियो।
सेवा पुन:स्थापनाका विषयमा बोल्दै सुबिसुका प्रमुख सञ्चालन अधिकृत (COO) सुबास अधिकारीले प्राविधिक टोलीहरू फिल्डमा निरन्तर खटिरहेको जानकारी दिए। “हामीले प्रभावित क्षेत्रमा नेटवर्क र इन्टरनेट सेवा यथाशीघ्र सुचारु गर्न तीव्र गतिमा काम गरिरहेका छौं,” उनले भने, “स्थानीय अवस्था र पहुँचलाई ध्यानमा राख्दै प्राविधिक टोलीको सुरक्षालाई समेत उच्च प्राथमिकतामा राखेर काम भइरहेको छ।”
इन्टरनेट सेवा र पुन:स्थापनाबारे जानकारी लिनका लागि प्रभावित ग्राहकहरूले सुबिसुको ग्राहक सहायता केन्द्र (०१-४२३५८८८ / ९८०१२२३५८८८) मा सम्पर्क गर्न सक्नेछन्।
प्रकाशित मिति : मङ्लबार, २०८३ भदौ १६, ०९ :५८ बजे
लेखकको बारेमा
प्रतिक्रिया