मकवानपुर प्रहरीले झन्डै एक क्विन्टल गाजा सहित २ भारतीय महिलालाई समात्यो

मकवानपुर प्रहरीले झन्डै एक क्विन्टल गाजा सहित २ भारतीय महिलालाई पक्राउ गरेको छ । 

आज विहान नेवारपानीका प्रहरी नायव निरीक्षक विजयदास बानियाको टोलीले मनहरी गाउपालिका रजैयाबाट ९२ केजी गाजासहित महिलाहरुलाई पक्राउ गरेको हो  मनहरीबाट हेटौंडा आउदै गरेको युपी २१ एफ १८५४ नम्बर भारतीय बोलेरो गाडीबाट ४३ पोका गाजा बरामद गरिएको हो ।

प्रहरीले भारत मोतीहारी जिल्ला मधुवर्ष गाउ मोफस, छतौनी कलम बस्ने ३५ वर्षीया सुमित्रादेवी सहनी र २५ वर्षीया रिंकी देवीलाई पक्राउ गरेको  र प्रहरीको चेकिङ देखेपछी बोलेरो चालक भने भागेको जिल्ला प्रहरी कार्यालय मकवानपुरले जनाएको छ । 

यस बिषयमा थप आवस्यक अनुसन्धान भैरहेको प्रहरीले बताएको छ ।