मकवानपुर गोल्डकप : आज एनआरटी र हिमालयन शेर्पा क्लब भीड्दै
हेटौंडा। छैटौँ संस्करणको स्थानीय तह सहीद स्मृति अन्तराष्ट्रिय मकवानपुर गोल्डकपअन्तर्गत बुधबार आज न्युरोड फुटबल क्लब ९एनआरटी० र हिमालयन शेर्पा क्लबबीच खेल हुँदैछ ।
गौरीटार बहुउद्देश्यीय रङ्गशालामा हुने खेल दिउँसो ३ बजे सुरु हुनेछ । आजको विजेता क्वार्टर फाइनलमा प्रवेश गर्नेछ ।
गोल्डकपको मंगलवार भएको सुरुवाति खेलमा बागमती युवा क्लब सर्लाहीले विजयी यात्रा सुरु गरेको छ । उद्घाटन खेलमा बागमतीले भुटानको पारो फुटबल क्लबलाई ३–१ गोलअन्तरले पराजित गरेको हो ।
जिल्ला फुटबल संघ मकवानपुरको आयोजना भएको प्रतियोगिताको विजेताले उपाधिसहित नगद १५ लाख हात पार्नेछ भने उपविजेताले १० लाख प्राप्त गर्नेछ । त्यस्तै प्रतियोगिताको सर्वोत्कृष्ट खेलाडीले एक थान बुलेट मोटरसाइकल हात प्राप्त गर्नेछन् । त्यस्तै विधागत उत्कृष्ट हुने खेलाडी तथा प्रशिक्षकले जनही २५ हजार रुपैयाँ पाउने छन् ।
प्रतियोगितामा एक विदेशी क्लब, नेपालमा रहेका ८ वटा ए डिभिजन फुटबल क्लब, आयोजक टोली सहित मोफसलका तीन गरी १२ वटा टोेलीको सहभागिता रहेको छ । प्रतियोगिताको फाइनल खेल माघ २७ हुनेछ ।
क्याटेगोरी : खेलकुद, स्थानिय
प्रतिक्रिया