मकवानपुरमा चट्याङ लागेर एकजनाको मृत्यु भएको छ भने दुई जना घाईते भएको प्रहरीले जनाएको छ ।
आइतबार दिउँसो चट्याङ लागि मनहरी गाउँपालिका-५ दरदरा बस्ने २८ वर्षीय अबिरल थिङको मृत्यु भएको हो । मनहरी-५ डिल्लीपुर स्थित आफन्तको घरबाट आफ्नो घर जाँदै गरेका उनलाई बसन्तपुर स्थित राप्तीखोलाको किनारमा चट्याङ लागेको हो ।
चट्याङ लागि उनका बुवा ५६ वर्षीय सिंह बहादुर थिङ र उनका सानि आमाको छोरा १० वर्षीय सौगात गोले घाईते भएको प्रहरीले जनाएको छ । घाईतेहरुलाई स्थानीयले प्रहरी पुग्नुभन्दा पहिले नै उपचारका लागि चितवन पठाएको जिल्ला प्रहरी कार्यालयले जनाएको छ ।
क्याटेगोरी : मुख्य खबर, समाचार, स्थानिय
प्रतिक्रिया