इन्द्रसरोबर गाउँपालिकाको बोर्डमा राजाको नारा: पालिकाले भन्यो- ह्याक भयो भ्रममा नपरौँ
मकवानपुरको इन्द्रसरोवर गाउँपालिकाको कार्यालयमा रहेको डिजिटल बोर्डमा राजा आऊ देश बचाऊ लेखिएपछि पालिकाले विज्ञप्ती जारी गर्दै ध्यानाकर्षण भएको जनाएको छ ।
आईतबार दिउँसो कार्यालयमा रहेको बोर्डमा राजा आऊ देश बचाऊ डिस्प्ले भएको थियो । बोर्डमा नारा लेखिएपछि वरिष्ठ शाखा अधिकृत धर्मानन्द पन्तले विज्ञप्ती जारी गर्दै कसैले अनधिकृतरुपमा बोर्ड ह्याक गरी गलत संदेश प्रवाह गरेको जनाएका छन् ।
‘उक्त सन्देश यस कार्यालयबाट प्रसारण नगरिएको व्यहोरा सम्बन्धित सबैलाई जानकारी गराइन्छ, उक्त गैरकानूनी क्रियाकलाप गर्ने उपर आवश्यक अनुसन्धान गरी कानूनी
कारवाहीको माग गरिएको र उक्त सन्देशको भ्रममा नपर्नु हुन सम्बन्धित सबैमा अनुरोध छ’, विज्ञप्तीमा उल्लेख गरिएको छ ।
क्याटेगोरी : मुख्य खबर, समाचार, स्थानिय
प्रतिक्रिया