पम्फा भुसालको चेतावनी- राजाहरु रेटिने गर्दछन्, मारिने गर्छन्, कमजोरी नठान्नू
नेकपा माओवादी केन्द्रकी उपाध्यक्ष पम्फा भुसालले राजालाई नारायणहिटीबाट शान्तिपूर्ण रुपमा नागार्जुन सरेको ख्याल राख्न आग्रह गरेकी छन् । भुसालले सरकारको कारणले बढेको निशारामा राजावादीहरुले मौका छोपेर फर्किने दिवासपना देखेको बताएकी छन् ।
समाजवादी मोर्चाको विरोधसभालाई सम्बोधन गर्दै उनले एमाले अध्यक्ष केपी ओली सरकारलाई सुध्रिन चेतावनी दिइन् । उनले राजतन्त्र समाप्त भइसकेको भन्दै अब फर्किने कुनै सम्भावना नभएको बताइन् ।
उपाध्यक्ष भुसालले भनिन्, ‘यो सरकारको कारणले नै आमजनतामा निराशा पैदा भएको छ । हिजो जनताको युद्ध र आन्दोलनबाट पराजित भएका, प्रायः यस्ता निरंकुश राजतन्त्रको अन्त्य गर्ने क्रममा तीन देशमा राजाहरु रेटिने गर्दछन्, मारिने गर्छन् । हामीले नागरिक भएर बस भनेर छाडिएको स्थितिलाई कमजोरी ठानेर हिजो निरंकुश शासनको वरिपरि बसेर खाइपाइ आएका जनतामाथि शोषण गरेका पूर्वदरबारिया र पञ्चहरुले यो निराशाको मौका छोपेर पुनःस्थापित भइन्छ कि भन्ने दिवासपना देखेका छन् ।’
क्याटेगोरी : मुख्य खबर, समाचार, स्थानिय
प्रतिक्रिया