हेटौंडामा आफ्नै देवरले गरे भाउजूको बीभत्स हत्या, दाइमाथि खुकुरी प्रहार
हेटौंडामा आफ्नै देवरले भाउजूको बीभत्स हत्या गरेका छन् । बुधवार हेटौंडा उपमहानगरपालिका – १ चौकी टोलमा २२ वर्षीय राहुल भन्ने रमेश दासले आफ्नी जेठी भाउजूको हत्या गरेको जिल्ला प्रहरी कार्यालय मकवानपुरले जनाएको छ ।
बुधबार दिउसो घरायसी विवादमा राहुलले उनका २८ वर्षिय माहिला दाइ रुपेश दासलाई खुकुरी प्रहार गरेको खबर प्रहरीसंग पुगेपछी प्रहरीले राहुललाई पक्राउ गरी जिल्ला प्रहरी कार्यालय ल्याएको थियो ।
साझ राहुलकि जेठी भाउजु ३५ वर्षीया गुडिया दास घरको माथिल्लो तलाको कोठामा टाउकोमा चोट लागी मृत अवस्थामा भेटिएकी थिइन् । भाउजूको हत्या पनि राहुलले नै गरेको प्रहरीले बताएको छ ।
प्रहरीका अनुसार राहुलको माहिला दाइलाई खुकुरी प्रहार गर्नु अघि नै उनले भाउजूको हत्या गरेका थिए ।
राहुलको आक्रमणबाट माहिला दाइ रुपेश दास घाइते भएका छन् । उनको टाउको, दाहिने हात र करङको भागमा गहिरो चोट लागेको छ । उनको हेटौंडास्थित मकवानपुर सहकारी अस्पतालमा उपचार भइरहेको प्रहरीले जनाएको छ ।
राहुलले किन र के उद्देश्यले भाउजू र माइलो दाइमाथि आक्रमण गरे भन्ने खुली नसकेको र थप अनुसन्धान चलिरहेको जिल्ला प्रहरी कार्यालय मकवानपुरले जनाएको छ ।
क्याटेगोरी : मुख्य खबर, समाचार, स्थानिय
प्रतिक्रिया