कुलमानलाई हटाएको विरोधमा हेटौंडामा प्रदर्शन, प्रधानमन्त्री र उर्जामन्त्रीको पुत्ला दहन
सरकारले नेपाल विद्युत प्राधिकरणबाट कुलमान घिसिङलाई हटाएपछि हेटौंडामा विरोध प्रदर्शन गरिएको छ ।
आज साझ हेटौंडाको सिमा चोकमा वाईसीएल मकवानपुरको आयोजनामा प्रधानमन्त्री केपी शर्मा ओली र उर्जामन्त्री दीपक खड्काको पुत्ला दहनसहित विरोध प्रदर्शन गरिएको हो ।
भ्रष्ट सरकार मुर्दाबाद, लोडसेडिङ चाहिदैन कुलमान हटाउन पाइदैन, जन बिरोधी सरकार मुर्दाबाद, दलालहरु होसियारलगायतका नारा तथा पम्प्लेट प्रदर्शन गर्दै विरोध प्रदर्शन गरिएको थियो ।
प्रशासनले भने कुलमान समर्थकहरूले प्रदर्शन गर्ने थाहा पाए पछी हेटौडाको बुद्धचोक, सिमाचोक लगायतका क्षेत्रमा बाक्लो मात्रामा प्रहरी परिचालन गरेको थियो ।
हिजो बसेको मन्त्री परिषद बैठकले घिसिङलाई पदमुक्त गरेर उनको स्थानमा हितेन्द्रदेव शाक्यलाई नियुक्ति गरेको थियो, जसको अहिले सत्तारूढ दल नेपाली कांग्रेसका महामन्त्रीद्दय गगन थापा र विश्वप्रकाश शर्मा, शेखर कोइरालालगायतले बिरोध गरिसकेका छन् ।
प्रतिपक्ष दलहरू नेकपा माओवादी केन्द्रका अध्यक्ष पुष्पकमल दाहाल, राप्रपाका प्रवक्ता ज्ञानेन्द्रबहादुर शाहीलगायतले पनि घिसिङलाइ हटाएकोमा आपत्ति जनाएका छन् भने चौतर्फी विरोध भैरहेको छ ।
क्याटेगोरी : मुख्य खबर, समाचार, स्थानिय
प्रतिक्रिया