सुनको मूल्यले नयाँ रेकर्ड बनाएको छ। मंगलबार सुनको भाउले तीन दिनअघिको उच्च रेकर्ड तोडेको छ । आज सुनको मूल्य प्रतितोला १ हजार १०० रुपैयाँले बढेर रेकर्ड मूल्य कायम गरेको हो।
नेपाल सुनचाँदी व्यवसायी संघका अनुसार छापावाल सुन प्रतितोला १ लाख ७५ हजार २०० रुपैयाँमा कारोबार भईरहेको छ। अघिल्लो दिन प्रतितोला १ लाख ७४ हजार १०० रुपैयाँमा कारोबार भएको थियो।
यसभन्दा पहिलो गत चैत १ गते शुक्रबार सुनको मूल्यले रेकर्ड बनाएको थियो। सो दिन सुन प्रतितोला १ लाख ७४ हजार ५०० रुपैयाँमा कारोबार भएको थियो।
मंगलबार चाँदीको मूल्य पनि तोलामा १० रुपैयाँले बढेको छ। आज चाँदी प्रतितोला २ हजार ५० रुपैयाँमा कारोबार भइरहेको छ।
क्याटेगोरी : अर्थबाणिज्य, समाचार, स्थानिय
प्रतिक्रिया