मकवानपुरको राक्सिराङमा बोलेरो दुर्घटना, एकजना गम्भीर घाइते
मकवानपुरको राक्सिराङ गाउँपालिका स्थित चाक्ले बगरमा बोलेरो दुर्घटना भएको छ ।
आइतबार दिउँसो मनहरीबाट कैलाश गाउँपालिका तर्फ जादै गरेको सु.प.प्र. ०१-००१ च २९४६ नं. को बोलेरो पिकअप गाडी ब्रेक फेल भई रोडबाट खसेको प्रहरीले जनाएको छ । राक्सिराङ ५ चाक्ले बगर स्थित भित्री सडक खण्डमा बोलेरोको ब्रेक फेल भई अन्दाजी ३/४ मिटर तल खसेको र दुर्घटनामा एकजना गम्भीर घाइते भएको प्रहरीले जनाएको हो ।
गाडीमा सवार ८ जना मध्ये अन्दाजी ३५/४० वर्षको एक पुरुष व्यक्तीको शरिरको बिभिन्न भागमा चोट लागी गम्भिर घाईते भएको अवस्थामा उपचारको लागी मनहरी तर्फ पठाएको र उनको नाम थर नखुलेको जिल्ला प्रहरी कार्यालय मकवानपुरले जनाएको छ ।
गाडीमा सवार अन्य सबै सकुसल रहेको, बलेरो घटनास्थलमा नै रहेको र गाडी चालकको खोजतलास भई रहेको प्रहरीले जनाएको छ ।
क्याटेगोरी : अन्तर्राष्ट्रिय, अन्तर्वार्ता, मुख्य खबर, रोचक, विचार/ब्लग, समाचार, साहित्य, सुचना-प्रविधि, स्थानिय
प्रतिक्रिया