अर्जुन तिवारीविरुद्द प्रहरीमा किटानी जाहेरी, अनुसन्धान गर्दै प्रहरी
नक्कली नम्बर प्लेट राखेर मोटरसाइकल चलाउने नेपाली कांग्रेस मकवानपुरका सदस्यसमेत रहेका हेटौंडाका अर्जुन तिवारी विरुद्ध जिल्ला प्रहरी कार्यालय मकवानपुरमा उजुरी परेको छ ।
हेटौंडा उपमहानगरपालिका-१२ का तिवारी आसन्न उपनिर्वाचनमा कांग्रेसको तर्फबाट वडाअध्यक्षको उम्मेदवार हुन् । उनले ३० चैत २०७९ मा हेटौंडाका पत्रकार रमेश बन्जारालाई झुटो मुद्धामा फसाउनको लागि एक महिलालाई प्रयोग गरी नक्कली घटनास्थल स्थापित गराउन उक्त मोटरसाइकल प्रयोग गरेका थिए ।
प्रदेश ३-०३-००२ प ७९३२ नम्बरको उक्त मोटरसाइकल उनले प्रयोग गरेको सिसिटिभी फुटेज हेटौंडाखबरले सार्वजनिक गरेपछी तिवारीले उक्त मोटरसाइकल गायब पारेका थिए । अहिले उक्त मोटरसाइकलमा प्रयोग भएको नम्बर नक्कली भएकोसमेत पत्ता लागेको छ ।
हेटौंडा स्थित यातायात कार्यालयमा उक्त नम्बर चितवनका एक व्यक्तिको स्कुटरको नाममा दर्ता कायम रहेको यातायात कार्यालयको ढड्डामा उल्लेख छ । तिवारीले प्रयोग गरेको मोटरसाइकल चोरीको हुनसक्ने आशंका र नक्कली नम्बर प्रयोग गरेको पाइएपछी पत्रकार बन्जराले जिल्ला प्रहरी कार्यालय मकवानपुरमा किटानी जाहेरी दिएका छन् ।
जाहेरी पछी यस सम्बन्धमा प्रहरीले आवस्यक अनुसन्धान गरिरहेको जनाएको छ ।
‘हामीले अनुसन्धान अघि बढाएका छौं, यातायात कार्यालयले उक्त नम्बर चितवनका एक व्यक्तिको स्कुटरको रहेको कागजात पठाएको छ’, जिल्ला प्रहरी कार्यालयका सुचना अधिकारी स्यामु अर्यालले जानकारी दिए । उनका अनुसार उक्त नम्बरका सवारी धनीलाई प्रहरीले बोलाएको छ ।
यातायातले दिएको सवारी धनी उपर आवस्यक अनुसन्धान पछी जाहेरी परेका व्यक्तिलाई पनि झिकाएर अनुसन्धान गर्ने प्रहरीले जनाएको छ ।
क्याटेगोरी : अन्तर्राष्ट्रिय, अन्तर्वार्ता, मुख्य खबर, रोचक, विचार/ब्लग, समाचार, साहित्य, सुचना-प्रविधि, स्थानिय
प्रतिक्रिया