हेटौंडामा खुकुरी देखाएर सुनको सिक्री लुट्ने २ जना पक्राउ
मकवानपुर प्रहरीले हेटौंडामा खुकुरी देखाएर सुनको सिक्री लुट्ने २ जनालाई पक्राउ गरेको छ ।
शनिबार अपरान्ह हेटौडा- ११ थानाभर्याङ स्थित राप्ती खोलाको बगरमा मकवानपुर बकैया गाउँपालिका-४ बस्ने वर्ष २० को मनिष फुयाल र वर्ष २४ को सुजन पौडेलको १ तोलाको सुनको सिक्री लुट्ने २ जनालाई प्रहरीले नियन्त्रणमा लिएको जनाएको छ ।
धारिलो हतियार खुकुरी देखाएर सिक्री लुटेको भन्दै प्रहरीले हेटौंडा ११ बस्ने वर्ष २० को असमिन चौलगाई र अनिस चौलगाईलाई हतियार र सिक्री सहित नियन्त्रणमा लिई चोरी तथा डाँका सम्बन्धी कसुर मुद्धामा मकवानपुर जिल्ला अदालतबाट ४ दिनको म्याद अनुमति लिई थप अनुसन्धान गरिरहेको जनाएको छ।
क्याटेगोरी : मुख्य खबर, समाचार, स्थानिय
प्रतिक्रिया