पत्रकार बन्जारा प्रकरण- फसाउन लगाउनेको नाम खुलाए गोली हानेर मारीदिने धम्की

हेटौडा खबर बुधबार, २०८० साउन ३१, १८ :११ बजे

हेटौंडाका पत्रकार रमेश बन्जराको जबर्जस्ती करणी अभियोग प्रकरणमा बन्जाराविरुद्ध जाहेरी दिएकी महिलाले बन्जारालाई फसाउन सहयोग नगरे गोली हानी मारीदिने धम्कि दिएको बयान दिएकी छन् । उनले आफुलाई झुक्याएर जाहेरीमा सहीछाप गर्न लगाएकोसमेत बताएकी छन् ।

उनले बन्जाराले जबर्जस्ती नगरेको, आफुलाई अर्कै व्यक्तीले उक्साएर जाहेरीमा सहिछाप गर्न लगाएको र केही व्यक्तीले आफुहरुको नाम अदालतमा भनिदिए गोली हानेर मार्ने चेतावनी दिएको अदालतमा बयान दिएकी छन् ।

एक ब्यक्तीको नाम उल्लेख गर्दै बयानमा उनले भनेकी छन्,”ति व्यक्तीले अदालतमा आफुहरुको नाम खुलाए गोली हानेर मार्दिन्छु भनि धम्कीसमेत दिएका छन्” ।

उनले बन्जाराले बसपार्कमा छाडिदिएपछी अर्जुन तिवारी भन्ने व्यक्तिले राप्ती खोला नजिकको सिसौघारीमा लगेर ल्याएको, बन्जरासंग भने उक्त स्थानमा आफु जाँदै नगएको बताएकी छन् ।

जाहेरी दिने महिला वारदात भएको भनिएको स्थान र समयमा एक बुलेट मोटरसाइकलमा देखिएको सिसिटिभी फुटेज हेटौंडाखबरबाट सार्वजनिक भएको थियो ।

गत ३१ चैतमा महिलाले आफुलाई बन्जाराले बलात्कार गरेको भन्दै उजुरी दिएकी थिईन् । बन्जारा हाल पुर्पक्षका लागि भीमफेदी कारागारमा छन् ।