पत्रकार बन्जारा प्रकरणमा महिलाको बयान-‘जाहेरी नपढी सहीछाप गरे, घटना भएको हैन, बुलेटमा देखिएकी मै हुँ’

प्रहरीले गराएको सनाखत कागजसमेत झुठो

हेटौडा खबर सोमवार, २०८० साउन २९, १८ :४५ बजे

हेटौंडाका पत्रकार रमेश बन्जराको जबर्जस्ती करणी अभियोग प्रकरणमा बन्जाराविरुद्ध जाहेरी दिएकी महिलाले आफुलाई झुक्याएर जाहेरीमा सहीछाप गर्न लगाएको बयान दिएकी छिन् ।

उनले बन्जाराले जबर्जस्ती नगरेको र आफुलाई अर्कै व्यक्तीले उक्साएर जाहेरीमा सहिछाप गर्न लगाएको अदालतमा बयान दिएकी हुन् । उनले बन्जाराले बसपार्कमा छाडिदिएपछी अर्जुन तिवारी भन्ने व्यक्तिले राप्ती खोला नजिकको सिसौघारीमा लगेर ल्याएको र प्रहरी कार्यालय भित्र रहेको जाहेरीमा सहिछाप गर्नु भनि अह्राएकाले आफुले केहि नबुझी सहिछाप गरेको बताएकी छन् ।

उनले जवर्जस्ती करणीको जाहेरी भन्ने थाहा पाएको भए सहिछाप गर्ने थिइन भनि बयान दिएकी छन् । त्यस्तै उनले घटना भएको समयमा बुलेट मोटरसाइकलमा रहेको व्यक्ति आफुनै भएको र प्रहरीले गराएको सनाखत झुठो रहेको बयान् दिएकी छन्।

घटना भएको भनिएको स्थान र समयमा पत्रकार बन्जारा हेटौंडाको ओम भवन अगाडी देखिएका र जाहेरवाला महिला बुलेट मोटरसाइकलमा देखिएको सिसिटिभी फुटेज हेटौंडाखबरबाट सार्वजनिक भएको थियो । त्यसपछी प्रहरीले जाहेरी दिने महिलालाई उक्त मोटरसाइकलमा रहेको महिला म होइन भन्ने सनाखत कागज बनाएको थियो ।

तर अदालतमा ति महिलाले प्रहीले बनाएको उक्त सनाखत कागज झुठो भएको बयान दिएकी छन् ।

गत ३१ चैतमा एक महिलाले आफुलाई बन्जाराले बलात्कार गरेको भन्दै उजुरी दिएकी थिईन् । बन्जारा हाल पुर्पक्षका लागि भीमफेदी कारागारमा छन् ।