हेटौंडा आउँदै गरेको मोटरसाइकल ज्यामिरेमा दुर्घटना हुँदा २ जना गम्भीर घाइते
पूर्व पश्चिम राजमार्ग अन्तर्गत मकवानपुरको मनहरी-९ ज्यामिरेमा मोटरसाइकल दुर्घटना हुँदा दुई जना गम्भीर घाइते भएका छन् ।
चितवनबाट हेटौंडातर्फ आउँदै गरेको ना ५७ प २३१ नम्बरको मोटरसाइकल ज्यामिरेमा बिग्रिएर रोकि राखेको ना ५ ख ७४७२ नम्बरको ट्रकमा ठोक्किदा दुई जना गम्भीर घाइते भएको जिल्ला प्रहरी कार्यालय मकवानपुरका प्रहरी प्रवक्ता डिएसपी टेकबहादुर कार्कीले जानकारी दिए ।
उनका अनुसार घाइते हुनेहरुमा चालक मनहरी ९ बस्ने २२ वर्षीय शम्भु गिरी र मोटरसाइकलमा पछाडि सवार २१ वर्षीय सुशिल गिरी रहेका छन् ।
घाइते दुवैजनालाई उपचारको लागि चितवनको भरतपुर पठाइएको प्रहरीले जनाएको छ । ट्रक प्रहरीको नियन्त्रणमा र चालक सम्पर्कमा नरहेको प्रहरीले जनाएको छ ।
क्याटेगोरी : मुख्य खबर, समाचार, स्थानिय
ट्याग : #जिल्ला प्रहरी कार्यालय मकवानपुर, #दुर्घटना, #हेटौंडा
प्रतिक्रिया