बागमती प्रदेश सभाको उपसभामुखमा एमालेकी अप्सरा चापागाईं
बागमती प्रदेश सभामा आज उपसभामुख पदका लागि भएको निर्वाचनमा एमालेकी अप्सरा चापागाईं चयन भएकी छिन् ।
आज भएको मतदानमा ६१ मत प्राप्त गरेकी ललितपुरकी चापागाई उपसभामुख भएकी हुन् । प्रदेश सभाका १०८ उपस्थित सदस्य मध्ये ३९ मत विपक्षमा, ७ मत तटस्थ रहेको थियो ।
उपसभामुख पदका लागि १ नम्बरमा उम्मेदवार दर्ता गराएको नेककिपाकी गीता काफ्लेले ३ मत प्राप्त गरेकी थिईन् । दोश्रो नम्बरमा उम्मेदवार दर्ता गराएकी अप्सरा चापागाई उपसभामुखमा निर्वाचित भएपछि ३ नम्बरमा उपसभामुख पदमा उम्मेदवारी दर्ता भएको उम्मेदवारको निर्वाचन भएन ।
नेपाली काँग्रेसको तर्फबाट उम्मेदवार तेश्रो नम्बरमा सुना परियारले उम्मेदवारी दिएकी थिईन् ।
क्याटेगोरी : मुख्य खबर, समाचार, स्थानिय
प्रतिक्रिया