हेटौंडा ५ पिप्लेमा रहेको बालज्योति माध्यमिक विद्यालयको ४३ औं बार्षिकोत्सव सम्पन्न भएको छ ।
कार्यक्रमको उध्घाटन् गर्दै हेटौडा उपमहानगरपालिकाका मेयर हरिबहादुर महतले सरकारी बिद्यालयहरुले पढाईमा गुणस्तरियता ल्याउनु जरुरी रहेको बताउनुभयो । सरकारीमा अग्रेजी माध्यममा पढाउने र यहाँबाट निस्कीएका बिद्यार्थीहरुले अरु बिद्यार्थी संग सजिलैसंग प्रतिस्पर्धा गर्न सक्ने हुनुपर्ने मेयरले बताउनुभयो ।
बिद्यालय ब्यबस्थापन समितिका सदस्य शशी दाहालको सभाध्यक्षतामा सम्पन्न कार्यक्रममा बिद्यलयका प्रधानाध्यापक श्रीराम दहालले स्वागत मन्तब्य ब्यक्त गर्नुभएको थियो । कार्यक्रममा ५ नं वडा अध्यक्ष राजेश बानिया, बिद्यालयका सल्लाहकार शिध्दिलाल श्रेष्ठ, बिब्यस सदस्य रवीन्द्र पोख्रेल, शिक्षक अभिभावक संघका अध्यक्ष राम कार्कि, नगर स्तरीय शैक्षिक समन्वय समिति अतिरिक्त क्रियाकलाप संयोजक डिबि बर्ताैला, सहायक प्रधानाध्यापक बरदराज भारद्वाज, पुर्ब प्रअ भरत अर्याल लगायतको उपस्थिति रहेको थियो ।
बार्षिकोत्सबको अवसरमा नगर स्तरीय निवन्ध लेखन प्रतियोगिता समेत गरिएको थियो । उक्त प्रतियोगितामा अमर मावि की छात्रा सरिता साहि प्रथम, बालज्योति मावी की छात्रा अंकिता पाठक द्वितिय, शिद्धार्थ मावी की छात्रा सपना न्यौपाने तृतीय भईन । छात्राहरूलाई मेयर हरि बहादुर महतले पुरस्कार तथा प्रमाणपत्र बितरण गर्नुभएको थियो ।
बार्षिकोत्सव अन्तरगत बिद्यालयमा भएका कक्षा स्तरीय बेलुन फुटाई, हाजिरीजवाफ, भलिवल प्रतियोगिता, तातो आलु, म्युजिकल चियर, बोरा रेस, चम्चा रेस लगायत कार्यक्रममा प्रथम, द्वितिय, र तृतिय भएका बिद्यार्थीहरू लाई समेत समापन समारोहमा पुरस्कृत गरिएको थियो ।
२०३२ सालमा सरस्वति पुजाको दिन स्थापित यस विद्यालयमा हाल अंग्रेजी माध्यमबाट समेत पठनपाठन हुँदै आएको छ । अंग्रेजी माध्यम अन्तरगत एक कक्षा देखि कक्षा ५ सम्म र नेपाली माध्यममा कक्षा १० सम्म कुल ७०० जना बिद्यार्थी अध्ययनरत रहेको बिद्यालयका प्रधानाध्यापक श्रीराम दहालले जानकारी दिनुभयो ।
