मनहरीमा १५० किलो गाँजासहित ४ जना पक्राउ
![](https://www.hetaudakhabar.com/wp-content/uploads/2022/10/pakrau-crime.webp)
हेटौंडा । मकवानपुर प्रहरीले १५० किलो लागुऔषध गाँजासहित चारजनालाई पक्राउ गरेको छ ।
गएराति मनहरी गाउँपालिका ७ रमौलीमा खटिएको प्रहरी टोलिले गस्ती गर्दै जाने क्रममा उनीहरुलाई गाँजासहित पक्राउ गरेको जिल्ला प्रहरी कार्यालय मकवानपुरका प्रहरी प्रवक्ता डिएसपी लक्ष्मी भण्डारीले जानकारी दिए ।
पक्राउ पर्नेहरुमा कैलाश गाउँपालिका ७ बस्ने ३० वर्षीय रामशरण चेपाङ, सोही ठाउँका १९ वर्षीय विश्वराम चेपाङ, ५६ वर्षीय कमान सिं चेपाङ र कृष्णबहादुर प्रजा रहेका छन् । उनीहरुमाथि थप अनुसन्धान भइरहेको प्रहरीले जनाएको छ ।
क्याटेगोरी : स्थानिय
प्रतिक्रिया