मकवानपुरको बकैयामा फेला पर्यो पुरुषको शव,पहिचान खुल्न सकेन
हेटौंडा । मकवानपुरको बकैया गाउँपालिका-२, सरस्वती सामुदायिक वनको बतासेडाँडा क्षेत्रमा एक व्यक्ति मृत अवस्थामा फेला परेका जिल्ला प्रहरी कार्यालय मकवानपुरले जानकारी दिएको छ ।
शनिवार स्थानीय बासिन्दाले दिएको सूचनाका आधारमा प्रहरी घटनास्थलमा पुग्दा लगभग ६०/६५ वर्षीय एक पुरुष व्यक्ति मृत अवस्थामा फेला परेका हुन्। जङ्गलको भिरबाट ३०० मिटर तल रहेको शव सढेगलेको अवस्थामा रहेको प्रहरीले जनाएको छ ।
शवलाई पोष्टमार्टमका लागि हेटौँडा अस्पताल ल्याइएको र घटनाबारे थप अनुसन्धान भइरहेको प्रहरीले जनाएको छ।
मृतक व्यक्तिको परिचय खुल्न सकेको छैन।
क्याटेगोरी : मुख्य खबर, स्थानिय
प्रतिक्रिया