Techie IT
Hetauda Khabar

हेटौंडाको नवलपुरमा रहेको जेम्स स्कुलको अभिभावक दिवस सम्पन्न


हेटौंडा, २६ माघ । व्यावहारिक र सैद्धान्तिक शिक्षा प्रदान गर्ने उद्देश्यका साथ २०५० सालमा स्थापना भएको जेम्स स्कुलको अभिभावक दिवस सम्पन्न भएको छ।

हेटौंडा उपमहानगरपालिका ११ नवलपुरमा रहेको विद्यालयले विद्यालयका प्रिन्सिपल, बुद्धिजिवी, शिक्षा प्रेमी तथा अभिभावकको उपस्थितिमा शुक्रबार विद्यालय प्रांगणमै आफ्नो ३० औं अभिभावक दिवस सम्पन्न गरेको छ।

प्ले ग्रुप-नर्सरीदेखि कक्षा–१० सम्म अध्ययन हुने विद्यालयमा बालबालिकाले विभिन्न किसिमका सांस्कृतिक कार्यक्रम प्रस्तुत गरेका थिए।

प्रमुख अतिथि रहेकी हेटौंडा उपमहानगरपालिकाकि वडाअध्यक्ष जुना दाहालले विद्यालयका शैक्षिक क्रियाकलाप जीवनोपयोगी र गुणस्तरीय रहेकाले अझ उत्तरोतर प्रगतिको कामना गरेकी थिइन् । उनले वडामा हुन लागेको बाल मैत्री वडा घोषणामा जेम्स स्कुलले ठुलो भुमिका खेलेको बताइन् ।

विशेष अतिथिमा तुलसी मेहर मेमोरियल हायर सेकेन्डरी बोर्डिङ स्कुलका प्रीन्सिपल रघुनाथ खुलाल त्यस्तै दिब्यजोति इङलिस स्कुलकी प्रीन्सिपल क्यारमेला राईको उपस्थिति रहेको थियो । बिद्यालयका प्रिन्सिपल विजय तामाङको सभाअध्यक्षतामा कार्यक्रम सप्पन्न भएको हो ।


क्याटेगोरी : स्थानिय

प्रतिक्रिया


धेरै पढिएका

ताजा अपडेट