महङ्गो मूल्यका गाडी चोरी गरी भाडामा लगाउने व्यक्ति पक्राउ परेका छन् ।
काठमाडौंसहितका विभिन्न ठाउँबाट स्कार्पियो, फर्च्युनर लगायतका गाडी चोरी भाडामा लगाउने मुकुन्द प्रसाद पुडासैनीलाई प्रहरीले पक्राउ गरेको हो ।
गोलढुङ्गामा आदित्य ट्रान्सपोर्ट नामक गाडी भाडामा लगाउने कम्पनी सञ्चालक गर्दै आएका पुडासैनीले गाडी चोरेर भाडामा लगाउने गरेको सूचना प्रहरीमा आएको थियो ।
प्रहरीले पुडासैनीसँगै उनले चोरी गरेर भाडामा लगाएका ३ वटा गाडीसमेत नियन्त्रणमा लिएको छ ।
प्रहरीको प्रारम्भिक अनुसन्धानबाट पुडासैनीले चोरीका गाडीमा भाडामा लगाएर लाखौं रुपैयाँको कारोबार गर्ने गरेका थिए ।
चोरीका गाडी भाडामा लगाउने पुडासैनीमाथि थप अनुसन्धान भइरहेको प्रहरीको भनाइ छ ।
