हेटौंडा । मकवानपुरको हेटौंडामा जुवातास खेलिरहेको अवस्थामा ९ जना पक्राउ परेका छन् ।
शनिबार हेटौंडा उपमहानगरपालिका-५ चिसापानी बस्ने शोभा कुईकेलको घरमा जुवातास खेलिरहेको अवस्थामा ९ जनालाई पक्राउ गरिएको जिल्ला प्रहरी कार्यालय मकवानपुरका प्रहरी प्रमुख एसपी सीताराम रिजालले जानकारी दिए ।
उनीहरूको साथबाट नगद ६७ हजार २ सय ८० रूपैयाँ र तीन बुक तास बरामद भएको प्रहरीले जनाएको छ ।
उनीहरुमाथि थप अनुसन्धानको लागि सात दिनको म्याद थप भएको जिल्ला प्रहरी कार्यालय मकवानपुरले जनाएको छ ।
क्याटेगोरी : मुख्य खबर, स्थानिय
प्रतिक्रिया