केपी ओली आँटीलो नेता हुन्, देशलाई गुन लगाएका छन्- कमल थापा
नेकपा एमालेको तर्फबाट क्षेत्र नम्बर १ का उम्मेद्बार कमल थापाले एमाले अध्यक्ष केपी शर्मा ओली राष्ट्रियता बोक्न सक्ने आँटीलो नेता भएको बताएका छन् । शनिबार मकवानपुरको बकैया गाउँपालिकामा आयोजीत चुनावी सभा र विद्यार्थी भेलामा बोल्दै थापाले उनले नाकाबन्दीको समयमा चट्टानी अडान लिएको र राष्ट्रियताको सवालमा ऐतिहासिक निर्णय लिनसक्ने नेता ओली नै भएको बताए ।
उनले ओलीजस्तो दृढ आडन र राष्ट्रवादी सोच भएको नेताले यो देशलाई संकटबाट मुक्त तुल्याउनका लागि ऐतिहासिक निर्णय लिनसक्ने भन्दै आफु ओलीसँग एउटै सरकारमा रहेर काम गरे पनि अहिले पनि सम्झन लायक रहेको बताए ।
उनले भने,’ दुई वटा कामका लागि ओलीलाई सधैँ देशले सम्झिनेछ, मधेशमा देखा परेको पृथकताबादी आन्दोलन र विप्लवलाई शान्तिपूर्ण वार्तामा ल्याउने काम’, लिम्पियाधुरा लिपुलेकसहितको नक्सा ल्याएर ओलीले देशलाई गुन लगाउनुभएको छ,’ उनले भने ।
चुच्चे नक्सा बनाएर नेपाल र नेपालीलाई गुन लगाएकोले राष्ट्रवादी शक्तिले जित्नुपर्ने उनले बताए ।
क्याटेगोरी : मुख्य खबर, समाचार, स्थानिय
ट्याग : #आमनिर्वाचन, #कमल थापा, #चुनाव, #प्रतिनिधिसभा
प्रतिक्रिया