हेटौंडाका उद्योगी व्यवसायीहरुले बैंक व्याजदर घटाउन माग गर्दै हेटौंडाका विभिन्न बैंक अगाडी विरोध प्रर्दशन गरेका छन् ।
बैंकको चर्को ब्याजदर वृद्धि र कारोबारको २० देखि २५ प्रतिशतमात्र लगानी गर्ने नेपाल राष्ट्र बैंकको पछिल्लो नीतिको विरोध गर्दै यहाँका व्यवसायी सडकमा उत्रिएका छन् । मकवानपुर उद्योग वाणिज्य संघको अगुवाईमा चरणबद्ध आन्दोलनमा उत्रिएका यहाँका व्यवसायीले सोमबार हेटौंडाका सबै बैंकपरिसरमा विरोध प्रदर्शन गरेका हुन् ।
नारायणी यातायात व्यवसायी संघ, निर्माण व्यवसायी संघ, होटल एसोसिएसन मकवानपुरलगायत ३२ वटा बस्तुगत संघहरुले आन्दोलनलाई साथ् दिएका छन् ।
उद्योगि व्यवसायीले ‘बैंकमा रकम जम्मा नगरौं’ लेखेको ब्यानरसहित बैंक परिसरमा ब्याजदर बढाउन पाइदैन, अपराधी बैंक चाहिदैन’ जस्ता नारासमेत लगाएका छन् ।
महँगो ब्याजदर , प्रिमियम दर नियन्त्रण गर्नु पर्ने तथा बैंकहरुले उद्योगी व्यवसायीलाई अनावश्यक दुःख दिने कार्य बन्द गरिनु पर्नेलगायतका मागसहित यहाँका उद्योगी व्यवसायी आन्दोलनमा छन् ।
क्याटेगोरी : मुख्य खबर, समाचार, स्थानिय
प्रतिक्रिया